Last Updated:
ഒരു ഗ്രാം സ്വർണത്തിന് 210 രൂപ ഉയർന്ന് 11,715 രൂപയിലെത്തി
തിരുവനന്തപുരം: സംസ്ഥാനത്തെ സ്വർണവിലയിൽ (Gold Rate) ഇന്ന് വൻ വർധനവ്. പവന് 1680 രൂപ ഉയർന്ന് 93,720 രൂപയിലെത്തി. ഗ്രാമിന് 210 രൂപ ഉയർന്ന് 11,715 രൂപയിലെത്തി. രാജ്യാന്തര സ്വർണവില ഔൺസിന് 76 ഡോളർ ഉയർന്ന് 4,186 ഡോളറിൽ എത്തി. നവംബർ 5 നു രേഖപ്പെടുത്തിയ 89,080 രൂപയാണ് ഈ മാസത്തെ ഏറ്റവും കുറഞ്ഞ നിരക്ക്. ഇന്ന് ഒരു പവൻ സ്വർണം വാങ്ങണമെങ്കിൽ ഏറ്റവും കുറഞ്ഞ പണിക്കൂലി 5%,3% ജിഎസ്ടിയും ഹാൾമാർക്കിങ് ചാർജസും ചേർത്ത് 95000 രൂപയ്ക്ക് പുറത്ത് നൽകേണ്ടിവരും.
ഒരു ഗ്രാം 24 കാരറ്റ് സ്വർണത്തിന് 12,780 രൂപയും, പവന് 1,02,240 രൂപയുമാണ് ഇന്നത്തെ നിരക്ക്. 18 കാരറ്റിന് ഒരു ഗ്രാമിന് 9,585 രൂപയും പവന് 76,680 രൂപയുമാണ് വില. വെള്ളി വില ഗ്രാമിന് 182 രൂപയും കിലോഗ്രാമിന് 1,82,000 രൂപയുമാണ് ഇന്നത്തെ നിരക്ക്. ആഗോള തലത്തിലെ സാമ്പത്തിക അനിശ്ചിതത്വങ്ങൾ, വർദ്ധിച്ച പണപ്പെരുപ്പ ഭീതി, ഡോളറിനെതിരെ ഇന്ത്യൻ രൂപയുടെ മൂല്യത്തിലുണ്ടായ തുടർച്ചയായ ഇടിവ് തുടങ്ങിയ ഘടകങ്ങളാണ് നിക്ഷേപകരെ സ്വർണത്തിലേക്ക് തിരിയാൻ പ്രേരിപ്പിക്കുന്നത്. വില ഉയരുന്നത് വിവാഹം പോലുള്ള ആവശ്യങ്ങൾക്കായി സ്വർണം വാങ്ങുന്നതിൽ വലിയ കുറവ് രേഖപ്പെടുത്തി. വിൽപന ഇടിഞ്ഞതോടെ സംസ്ഥാനത്തെ സ്വർണ വ്യാപാര മേഖല കനത്ത പ്രതിസന്ധിയിലാണ്.
Kochi [Cochin],Ernakulam,Kerala
November 13, 2025 10:33 AM IST
Comments are closed.