വർഷം അഞ്ച് ചലാൻ വന്നാൽ ലൈസൻസ് റദ്ദാകും; 45 ദിവസത്തിനുള്ളിൽ പിഴ അടക്കണം; കർശനമാക്കി കേരളവും receive five challans in a year license will be canceled must pay the fine within 45 days | കേരള വാർത്ത

നിയമലംഘനം നടത്തിയാൽ ലഭിക്കുന്ന ചലാനുകൾ മൂന്ന് ദിവസത്തിനുള്ളിൽ ഇലക്ട്രോണിക്കലായോ 15 ദിവസത്തിനുള്ളിൽ നേരിട്ടോ കൈപ്പറ്റണം. പിഴ തുക 45 ദിവസത്തിനുള്ളിൽ അടച്ചു തീർക്കുകയോ അല്ലെങ്കിൽ നിയമലംഘനം നടന്നിട്ടില്ലെന്ന് തെളിയിക്കുകയോ ചെയ്യേണ്ടതുണ്ട്. ഇതിൽ വീഴ്ച വരുത്തിയാൽ ലൈസൻസ്, രജിസ്ട്രേഷൻ എന്നിവ റദ്ദാക്കാനുള്ള നടപടികൾ സ്വീകരിക്കും. തുടർച്ചയായി നിയമം ലംഘിക്കുകയും പിഴയൊടുക്കാതിരിക്കുകയും ചെയ്യുന്ന വാഹനങ്ങളെ ബ്ലാക്ക് ലിസ്റ്റിൽ ഉൾപ്പെടുത്തും. ഇത്തരം വാഹനങ്ങൾക്ക് നികുതി അടയ്ക്കുന്നതൊഴികെ ഉടമസ്ഥാവകാശം മാറ്റൽ, ഫിറ്റ്നസ്, പെർമിറ്റ് തുടങ്ങിയ മറ്റ് ഔദ്യോഗിക സേവനങ്ങളൊന്നും വാഹൻ വെബ്സൈറ്റിലൂടെ ലഭ്യമാകില്ല.

പിഴ കുടിശ്ശികയുള്ള വാഹനങ്ങൾ മോട്ടോർ വാഹന വകുപ്പ് ഉദ്യോഗസ്ഥർക്ക് പിടിച്ചെടുക്കാനും അധികാരമുണ്ട്. നിയമലംഘനം നടക്കുമ്പോൾ വാഹനം ഓടിച്ചിരുന്നത് മറ്റൊരാളാണെങ്കിൽ അത് തെളിയിക്കേണ്ട ബാധ്യത വാഹന ഉടമയ്ക്കായിരിക്കും.