Last Updated:
വില ഉയരുന്ന സാഹചര്യത്തിൽ വിവാഹം പോലുള്ള ആവശ്യങ്ങൾക്കായി സ്വർണം വാങ്ങുന്നതിൽ വലിയ കുറവാണ് രേഖപ്പെടുത്തുന്നത്
തിരുവനന്തപുരം: കേരളത്തിൽ സ്വർണവിലയിൽ ഇടിവ്. ഗ്രാമിന് 70 രൂപയുടെ കുറവാണ് ഇന്ന് ഉണ്ടായത്. ഇന്ന് ഒരു ഗ്രാമിന്റെ വില 11,720 രൂപയായാണ്. പവന്റെ വിലയിൽ 560 രൂപയുടെ കുറവാണ് അനുഭവപ്പെട്ടത്. 93,760 രൂപയാണ് ഇന്നത്തെ വിപണി നിരക്ക്.
അതേസമയം, ആഗോളവിപണികളിൽ സ്വർണവില ഉയരുകയാണ്. ഡോളർ ദുർബലമാവുന്നതാണ് ആഗോളവിപണിയിൽ സ്വർവില ഉയരുന്നതിന് ഇടയാക്കുന്നത്. സ്പോട്ട് ഗോൾഡ് നിരക്കിൽ 0.4 ശതമാനത്തിന്റെ വർധനയുണ്ടായി. ഔൺസിന് 4,188.93 ഡോളറായാണ് വില ഉയർന്നത്. യു.എസ് ഗോൾഡ് ഫ്യൂച്ചർ നിരക്ക് കാര്യമായ മാറ്റമില്ലാതെ തുടരുകയാണ്.
4,188.93 ഡോളറാണ് വില. കഴിഞ്ഞ ദിവസം സംസ്ഥാനത്ത് സ്വർണ വിലയിൽ ഉച്ചയ്ക്ക് ശേഷവും വർധനവ് രേഖപ്പെടുത്തിയിരുന്നു. ഗ്രാമിന് 60 രൂപ കൂടി 11,790 രൂപയും പവന് 600 രൂപ കൂടി 94,320 രൂപയിലുമെത്തി.
ആഗോള തലത്തിലെ സാമ്പത്തിക അനിശ്ചിതത്വങ്ങൾ, വർദ്ധിച്ച പണപ്പെരുപ്പ ഭീതി, ഡോളറിനെതിരെ ഇന്ത്യൻ രൂപയുടെ മൂല്യത്തിലുണ്ടായ തുടർച്ചയായ ഇടിവ് തുടങ്ങിയ ഘടകങ്ങളാണ് നിക്ഷേപകരെ സ്വർണത്തിലേക്ക് തിരിയാൻ പ്രേരിപ്പിക്കുന്നത്. വില ഉയരുന്ന സാഹചര്യത്തിൽ വിവാഹം പോലുള്ള ആവശ്യങ്ങൾക്കായി സ്വർണം വാങ്ങുന്നതിൽ വലിയ കുറവാണ് രേഖപ്പെടുത്തുന്നത്. വിൽപന ഇടിഞ്ഞതോടെ സംസ്ഥാനത്തെ സ്വർണ വ്യാപാര മേഖല കനത്ത പ്രതിസന്ധിയിലാണ്.
Thiruvananthapuram,Kerala
November 14, 2025 10:35 AM IST
Comments are closed.