പാലക്കാട് യുവാവിനെ താക്കോൽ കൊണ്ട് കഴുത്തിൽ കുത്തി കൊലപ്പെടുത്തിയ ബന്ധു പിടിയിൽ | Relative stabbed Youth to Death by key in Palakkad | Crime

ഇന്നലെ വൈകിട്ട് അഞ്ചരയോടെ പൊൽപ്പുള്ളി കെവിഎം സ്‌കൂളിന് മുന്നിലായിരുന്നു ദാരുണമായ സംഭവം നടന്നത്. ശരത്തിന്റെ കഴുത്തിൽ പ്രമോദ് തന്റെ കയ്യിലുണ്ടായിരുന്ന താക്കോൽ ഉപയോഗിച്ച് ആഴത്തിൽ കുത്തി പരിക്കേൽപ്പിക്കുകയായിരുന്നു. ഗുരുതരമായി പരിക്കേറ്റ ശരത്തിനെ ഉടൻ തന്നെ പാലക്കാട് ജില്ലാ ആശുപത്രിയിൽ എത്തിച്ചെങ്കിലും രാത്രി ഏഴ് മണിയോടെ മരണം സംഭവിക്കുകയായിരുന്നു.

പ്രതിയായ പ്രമോദിന്റെ ഭാര്യയുടെ സഹോദരി ഭർത്താവാണ് കൊല്ലപ്പെട്ട ശരത്. കുടുംബപ്രശ്നങ്ങളാണ് കൊലപാതകത്തിൽ കലാശിച്ചതെന്നാണ് പ്രാഥമിക വിവരം. സംഭവത്തിൽ പോലീസ് അന്വേഷണം ഊർജിതമാക്കിയിട്ടുണ്ട്.