‘മുസ്ലിം ലീഗിന്റെയും യുഡിഎഫിന്റെയും ശബ്ദം ഒന്ന്; വെള്ളാപ്പള്ളി വർഗീയത പ്രചരിപ്പിക്കുന്നവരുടെ ഉപകരണമാകരുത്’; വിഡി സതീശൻ Vellapalli nateshan should not become a tool for those spreading communalism says leader of opposition VD Satheesan | Kerala

യുഡിഎഫിലെ പ്രധാന കക്ഷിയായ മുസ്ലീം ലീഗിന് എങ്ങനെയാണ് മറ്റ് രണ്ട് സമുദായ സംഘടനകൾ തമ്മിലുള്ള ബന്ധം തകർക്കാൻ കഴിയുകയെന്ന് അദ്ദേഹം ചോദിച്ചു. മുസ്ലീം ലീഗിന്റെയും യുഡിഎഫിന്റെയും നിലപാടുകൾ ഒന്ന് തന്നെയാണ്. എൻഎസ്എസും എസ്എൻഡിപിയും ഒന്നിച്ച് നിൽക്കുന്നത് സമൂഹത്തിന് നല്ല സന്ദേശമാണ് നൽകുന്നത്. കേരളത്തിലെ ജനങ്ങൾ മതേതരവാദികളാണെന്നും ഇവിടെ മതധ്രുവീകരണത്തിന് സാധ്യതയില്ലെന്നും അദ്ദേഹം വ്യക്തമാക്കി.

ശ്രീനാരായണീയ പ്രസ്ഥാനത്തിന്റെ നേതാവായ വെള്ളാപ്പള്ളി നടേശൻ വിദ്വേഷം പ്രചരിപ്പിക്കുന്നവരുടെ ഭാഗമാകരുത്. നിലവിലെ സാഹചര്യത്തിൽ യുഡിഎഫിന് യാതൊരു ആശങ്കയുമില്ലെന്നും മതേതര കേരളം മുന്നണിക്കൊപ്പമുണ്ടാകുമെന്നും സതീശൻ പറഞ്ഞു. കേരളത്തിൽ ജനങ്ങളെ മതപരമായി ഭിന്നിപ്പിക്കാനുള്ള നീക്കങ്ങളെ കോൺഗ്രസ് ശക്തമായി പ്രതിരോധിക്കും. മതേതരത്വത്തിന് വേണ്ടി വിട്ടുവീഴ്ചയില്ലാത്ത നിലപാട് സ്വീകരിക്കുമെന്നും വിദ്വേഷ പ്രചാരകർക്ക് കേരളം കൃത്യമായ മറുപടി നൽകുമെന്നും വിഡി സതീശൻ പറഞ്ഞു