കോഴിക്കോട് മുസ്ലീം ലീഗ് പ്രവർത്തകന് മർദ്ദനം ; പിന്നിൽ എസ്ഡിപിഐ എന്ന് ആരോപണം|Muslim League Worker Brutally Attacked in Kozhikode SDPI Alleged Behind the Incident | കേരള വാർത്ത

നാലംഗ എസ്ഡിപിഐ സംഘമാണ് ഷക്കീറിനെ വളഞ്ഞിട്ട് ആക്രമിച്ചത്. തദ്ദേശ തിരഞ്ഞെടുപ്പുമായി ബന്ധപ്പെട്ട് വടകര അഴിയൂർ മേഖലയിൽ ഇരുവിഭാഗങ്ങളും തമ്മിൽ നിലനിന്നിരുന്ന തർക്കങ്ങളുടെ തുടർച്ചയാണ് ഇതെന്നാണ് പ്രാഥമിക നിഗമനം. തിരഞ്ഞെടുപ്പ് കഴിഞ്ഞിട്ടും പ്രദേശത്ത് ഇരു വിഭാഗങ്ങളും തമ്മിൽ കടുത്ത രാഷ്ട്രീയ അസ്വാരസ്യങ്ങൾ നിലനിന്നിരുന്നു. സംഭവത്തിൽ പാലിശ്ശേരി പോലീസ് സ്റ്റേഷനിൽ പരാതി നൽകുമെന്ന് ലീഗ് നേതൃത്വം അറിയിച്ചു. അക്രമത്തിൽ പ്രതിഷേധിച്ച് ഇന്ന് പ്രദേശത്ത് പ്രതിഷേധ ദിനം ആചരിക്കാൻ മുസ്ലീം ലീഗ് ആഹ്വാനം ചെയ്തു.