മദ്യപിച്ച് ഹോസ്റ്റലിൽ വന്നതിന് ശകാരിച്ചു; കെട്ടിടത്തിൽ നിന്ന് ചാടി ബിടെക് വിദ്യാർത്ഥി ജീവനൊടുക്കി Scolded for coming to hostel drunk BTech student ends his life by jumping off hostel building in Noida | ഇന്ത്യ വാർത്ത

സംഭവത്തെക്കുറിച്ച് അഡീഷണൽ ഡെപ്യൂട്ടി കമ്മീഷണർ സുധീർ കുമാർ പറയുന്നതിങ്ങനെ: വെള്ളിയാഴ്ച രാത്രി ഉദിത് സോണിയും സുഹൃത്തുക്കളായ ചേതനും കുൽദീപും മദ്യം കഴിച്ച ശേഷമാണ് ഹോസ്റ്റലിൽ തിരിച്ചെത്തിയത്. വിദ്യാർത്ഥിയുടെ പെരുമാറ്റത്തിൽ ഹോസ്റ്റൽ അധികൃതർ അതൃപ്തി പ്രകടിപ്പിക്കുകയും വിദ്യാർത്ഥികളെ ശകാരിക്കുകയും സംഭവത്തിന്റെ വീഡിയോ ഉദിത്തിന്റെ പിതാവായ വിജയ് സോണിക്ക് അയച്ചുകൊടുക്കുകയും ചെയ്തു. വീഡിയോ കണ്ടതിന് പിന്നാലെ പിതാവ് ഉദിത്തിനെ ഫോണിൽ വിളിച്ച് കർശനമായി ശാസിക്കുകയും ഹോസ്റ്റലിൽ നിന്ന് തിരികെ വീട്ടിലേക്ക് കൊണ്ടുപോകുമെന്ന് ഭീഷണിപ്പെടുത്തുകയും ചെയ്തു.ഇതിൽ മനംനൊന്താണ് വിദ്യാർത്ഥി ഹോസ്റ്റലിന്റെ നാലാം നിലയിൽ നിന്ന് താഴേക്ക് ചാടിയത്.

മരിച്ച വിദ്യാർത്ഥിയുടെ കുടുംബാംഗങ്ങൾ സ്ഥലത്തെത്തിയിട്ടുണ്ടെന്നും നിയമപരമായ നടപടികൾ പൂർത്തിയാക്കിയ ശേഷം മൃതദേഹം പോസ്റ്റ്‌മോർട്ടത്തിനായി അയച്ചതായും പോലീസ് അറിയിച്ചു. സംഭവവുമായി ബന്ധപ്പെട്ട് രണ്ട് പേരെ പോലീസ് കസ്റ്റഡിയിലെടുത്തിട്ടുണ്ട്. കൂടുതൽ അന്വേഷണം നടന്നുവരികയാണ്.